O musicólogo Enrique Jiménez pronunciará mañá o seu discurso de ingreso na Academia Galega de Belas Artes no Hostal dos Reis Católicos de Santiago

PREVISIÓN INFORMATIVA

ASUNTO             Acto público de ingreso na Academia Galega de Belas Artes de Enrique Jiménez

ORGANIZA         Real Academia Galega de Belas Artes

LECTURA           Enrique Jiménez – musicólogo

RESPOSTA        Ramón Castromil – académico numerario da sección de música da Academia Galega de Belas Artes

LUGAR               Capela do Hostal do Reis Católicos, Praza do Obradoiro, 1 – Santiago –

DATA                  Mañá sábado, 27 de febreiro

HORA                 12:30 horas


Santiago de Compostela, 26 de febreiro de 2016 (Vía Láctea Comunicación).

A Real Academia Galega de Belas Artes (RAGBA) celebrará mañá sábado, día 27, unha sesión extraordinaria pública na Capela do Hostal dos Reis Católicos de Santiago de Compostela (Praza do Obradoiro, 1), ás 12:30 horas, para a recepción do académico electo da sección de múscia, Enrique José Jiménez Gómez.

Jiménez pronunciará o seu discurso de ingreso, titulado “A magna triloxía violinística galega do século XX”. O novo membro será contestado, en nome da institución, polo académico numerario da sección de música, Ramón Castromil Ventureira. A súa entrada na Academia foi aprobada por votación regulamentaria e con maioría absoluta na sesión ordinaria do 30 de maio de 2015 para cubrir unha vacante de nova creación.