Estudantes da USC visitaron o viveiro de empresas da Cámara de Comercio de Santiago

USCA empresa C&B Consultores relatou a súa experiencia emprendedora

A xornada está enmarcada no ciclo Os Xoves Emprende, en colaboración co programa Santiago Investors Support do Concello de Santiago

A Cámara de Comercio, Industria e Navegación de Santiago de Compostela organizou hoxe unha visita guiada ao viveiro de empresas do polígono de Costa Vella. Esta actividade, de orientación e sensibilización sobre o espírito emprendedor, organízase no marco das xornadas Os Xoves Emprende, en colaboración co programa Santiago Investors Support do Concello de Santiago. O secretario xeral da Cámara de Comercio de Santiago, Fernando Barros, e a responsable do viveiro de empresas, Rosa Cardeso, dirixiron esta visita programada para 45 alumnos dos Graos de Economía, Administración e Dirección de Empresas e Dereito da Universidade de Santiago de Compostela (USC).

A finalidade destas xornadas é contribuír ao desenvolvemento das cualidades personais relacionadas co emprendedor desde idades temperás, fomentar as iniciativas emprendedoras desde o ámbito educativo, potenciar os valores empresariais e informar, sensibilizar e transmitir a opción do autoemprego como unha alternativa digna e viable de traballo. As visitas guiadas ao viveiro de empresas permiten ao alumnado coñecer de primeira man o funcionamento da incubadora empresarial e os servizos que o departamento de Creación de Empresas da Cámara de Comercio presta aos emprendedores e empresarios da demarcación cameral.

Para pechar a visita, os alumnos asistiron a unha charla sobre a experiencia profesional dos emprendedores da empresa C&B Asociados, ubicada na incubadora empresarial. Explicaron ao grupo de estudantes como se inicia un proxecto emprendedor e o seu caso particular. C&B é unha consultoría laboral, fiscal e contable que ofrece un servizo de asesoramento integral á pemes, que inclúe a xestión básica para a elaboración de estudos económicos que axudan á toma de decisións. Xorde para cubrir as carencias detectadas nas asesorías de empresas tradicionais, que só se preocupan da presentación de modelos oficiais sen ter unha imaxe global do conxunto da empresa.

A Cámara de Comercio e a Consellería de Traballo ofrecerán formación ás empresas de Santiago para mellorar as súas oportunidades de negocio

matoAs beneficiarias serán micropemes de sectores tradicionais, con máis de cincos ano de antigüidade e plantillas dun máximo de dez empregados

O protocolo de colaboración establécese a través do programa “Adaptabilidade e Emprego” da Fundación Incyde, financiado polo Fondo Social Europeo

A Cámara de Comercio, Industria e Navegación de Santiago de Compostela asinou hoxe un protocolo de colaboración coa Fundación Instituto Cameral para la Creación y Desarrollo de la Empresa (Fundación Incyde) e a Consellería de Traballo e Benestar da Xunta de Galicia para realizar un programa de acción para a mellora de empresas en situación de crise. A sinatura, que se celebrou nas dependencias da área de Traballo en San Lázaro, estivo encabezada polo presidente da Cámara de Comercio de Santiago, Jesús Asorey, a conselleira de Traballo, Beatriz Mato, e o director da Fundación Incyde, Javier Collado.

Ler máis: A Cámara de Comercio e a Consellería de Traballo ofrecerán formación ás empresas de Santiago para...

A Cámara de Comercio de Santiago informa aos empresarios das vantaxes do comercio electrónico e as redes sociais

eeO curso impartirase a semana próxima nas aulas de formación

A Cámara de Comercio de Santiago de Compostela inaugurará a próxima semana dous cursos formativos dirixidos a directivos e empregados de empresas da área cameral de Compostela que poderán beneficiarse de descontos de ata o 30 por cento, ao igual que as persoas en desemprego dispostas a actualizar a súa formación empresarial.

Ler máis: A Cámara de Comercio de Santiago informa aos empresarios das vantaxes do comercio electrónico e as...

A Cámara de Comercio de Santiago presenta o luns un curso superior de coaching para entrenar a directivos e executivos na busca dun liderazgo eficiente

coachingO curso impartirase a partir do 25 de maio na Cámara de Comercio de Ourense da man da Escuela Europea de Líderes

A Cámara de Comercio, Industria e Navegación de Santiago de Compostela colabora coa Cámara de Comercio de Ourense para organizar un Curso Superior de Especialización “Executive & Lider Coach” da Escuela Europea de Líderes, o único de estas características en Galicia que se impartirá na entidade ourensá a partir do 25 de maio e se estenderá ata o mes de decembro.

Ler máis: A Cámara de Comercio de Santiago presenta o luns un curso superior de coaching para entrenar a...

A Cámara de Comercio de Santiago colabora co Instituto Empresarial de Contabilidad y Economía para desenvolver en maio e xuño dous cursos prácticos de contabilidade e xestión laboral

contaImpartiranse cunha metodoloxía de ensinaza “individual, programada e interactiva”

O próximo luns-6 presentaranse estes cursos no salón de actos cameral, ás 20:15 horas

A Cámara de Comercio de Santiago presenta o próximo luns, 6 de maio, os cursos IECE: "Práctico de contabilidade e análise de balances" e "Xestión e práctica laboral (nóminas, seguros sociais e contratación laboral)”, ás 20:15 horas no salón de actos cameral (rúa San Pedro de Mezonzo, 44- baixo). O acto de presentación e os cursos estarán dirixidos polo profesor do Instituto Empresarial de Contabilidad y Economía (IECE), Alberto García.

Ler máis: A Cámara de Comercio de Santiago colabora co Instituto Empresarial de Contabilidad y Economía para...