Desenvolverá diagnósticos individualizados e informes de recomendacións de mellora

O prazo de presentación de solicitudes estará aberto ata o 23 de novembro

A Cámara de Comercio, Industria, Servizos e Navegación de Santiago de Compostela convoca as axudas a pemes e autónomos para o desenvolvemento de diagnósticos de innovación comercial, incluídas no Plan de Comercio Minorista posto en marcha pola Cámara de España e a Secretaría de Estado de Comercio do Ministerio de Economía e con cofinanciamento do Fondo Europeo de Desarrollo Regional (FEDER).

Estas axudas están destinadas a mellorar a competitividade dos comercios da demarcación cameral de Santiago a través de diagnósticos individualizados e informes de recomendacións de mellora para que os locais comerciais poidan asumir as metodoloxías e solucións e incrementar a súa situación competitiva.

O prazo de presentación de solicitudes estará aberto ata o día 23 de novembro. Estas solicitudes poderán presentarse de forma presencial na sede da Cámara de Santiago (rúa San Pedro de Mezonzo, 44, baixo) ou enviando a documentación por correo postal certificado e con acuse de recibo.