É unha iniciativa que forma parte do Plan de Comercio Minorista e conta cun orzamento de 34.500 euros

As pemes poderán solicitar a súa participación a partir do 29 de setembro e ata o 31 de outubro

A Cámara de Comercio de Santiago de Compostela abre a convocatoria de selección de pemes e autónomos para o desenvolvemento de diagnósticos de innovación comercial, incluídos no Plan de Comercio Minorista posto en marcha pola Cámara de España e a Secretaría de Estado de Comercio do Ministerio de Economía e con cofinanciamento do Fondo Europeo de Desarrollo Regional (FEDER).

Este programa está destinado a mellorar a competitividade dos comercios da demarcación cameral de Santiago a través de diagnósticos individualizados e informes de recomendacións de mellora para que os locais comerciais poidan asumir as metodoloxías e solucións e incrementar a súa situación competitiva. O orzamento total para a realización dos diagnósticos é de 34.502 euros.

O prazo de presentación de solicitudes comezará o 29 de setembro e estará aberto ata o 31 de outubro. Estas solicitudes poderán presentarse de forma presencial na sede da Cámara de Santiago (rúa San Pedro de Mezonzo, 44, baixo) ou enviando a documentación por correo postal certificado e con acuse de recibo.

Pódese descargar a documentación na web cameral (http://www.camaracompostela.com/), facer o trámite e presentar a solicitude fisicamente no rexistro da Cámara (rúa San Pedro de Mezonzo, 44, baixo. 15701. Santiago) en horario de luns a venres de 9:00 a 14:00 horas, e consultar dúbidas no teléfono 981596800 ou no mail aempleo@camaracompostela.com