Esta iniciativa enmárcase no ciclo “A Escola na Cidade”, actuacións dos futuros músicos en diferentes puntos de Compostela

A Escola de Altos Estudos Musicais (EAEM) ten en marcha a iniciativa “A Escola na Cidade”, un ciclo de concertos de música de cámara interpretados polos alumnos do Curso Avanzado de Especialización Orquestral do centro. As entradas destas actuacións son gratuítas ata completar aforo.

No marco deste programa, mañá martes, 6 de xuño, ás 20:30 horas, os rapaces ofrecerán un concerto no Paraninfo da Universidade de Santiago, na facultade de Xeografía e Historia, acompañados pola pianista Eriko Ishimoto. En primeiro lugar actuará a viola Ane Aguirre, que interpretará a Sonata para viola e piano nº 1 de Brahms.

A continuación a violoncellista Agate Amilibia tocará a Sonata nº 5 de Brahms. E a cita concluirá coa intervención do clarinetista Daniel González, que achegará ao público a obra Prèmiere Rhapsodie de Claude Debussy, Tres pezas para clarinete solo de Igor Stravinski e, finalmente, Tema e variacións para clarinete e piano de Jean Françaix.

Este ciclo de concertos de “A Escola na Cidade” continuará o vindeiro xoves día 8 con novas actuacións no Paraninfo da Universidade de Santiago, protagonizadas por alumnos do Curso Avanzado de Especialización Orquestral da Escola de Altos Estudos Musicais. E a vindeira semana celebraranse os días 12,14, 15 e 16.