Fernando Pérez-Soba, técnico de Promoción Internacional: 

 “O ano 2006 supuxo para Galicia o quinto consecutivo no aumento do turismo italiano, colocándose así como o terceiro país que máis turistas aporta a esta comunidade autónoma, detrás de Portugal e Alemaña”

Un grupo de catorce empresas do sector turístico galego viaxa hoxe á Feira TTG de turismo de Rímini (Italia), onde durante tres días manterán contactos con touroperadores e maioristas italianos e do resto de Europa. Hoteles, maioristas e axencias de viaxe compoñen o groso da delegación. A acción está organizada pola Cámara de Comercio de Santiago de Compostela dentro do programa Plan Internacional de Promoción, que conta con fondos FEDER da Unión Europea.

A Feira TTG é unha das preferidas polos operadores do sector, xa que ten un enfoque moi empresarial priorizando os contactos entre os operadores fronte ás feiras espacarate. Espérase unha presenza de 2.500 expositores, 70.000 asistentes, 1.000 empresas de compra internacional de paquetes turísticos e 700 xornalistas xa acreditados.

“O ano 2006 supuxo para Galicia o quinto consecutivo no aumento do turismo italiano, colocándose así como o terceiro país que máis turistas aporta a esta comunidade autónoma, detrás de Portugal e Alemaña” –explica o técnico de Promoción Internacional da Cámara, Fernando Pérez-Soba”–. En concreto, o aumento de turistas italianos a Galicia incrementouse un 5% en relación ao 2016 e superou nun 4,1% o número das súas pernoctacións. “En 2012 Italia sumou a nosa comunidade un total de 130.000 pernoctacións e unhas 215.000 en 2016” –sinala Pérez-Soba–.