É a segunda entidade con mellores resultados de España
Con motivo do Día Internacional da Muller, o programa PAEM lanza a campaña #Quierosermipropiajefa para animar ás mulleres a emprender o seu propio negocio
A Cámara de Comercio, Industria, Servizos e Navegación de Santiago de Compostelá sitúase no segundo posto do ranking nacional do Programa de Apoio Empresarial á Muller (PAEM), cos mellores resultados de 2017 en número de usuarias, demandas de asesoramento, creación de empresas e de emprego. Prestou axuda a 358 usuarias e rexistrou 506 demandas de asesoramento, ademais de axudar a crear 60 empresas e 55 postos de traballo asalariado o pasado ano, con 36 mulleres e 19 homes empregados.
O PAEM é un programa que naceu hai dezaoito anos e está desenvolto pola Cámara de Comercio de España, a través da rede de cámaras territoriais, o Instituto de la Mujer y para la Igualdad de Oportunidades co financiamento do Fondo Social Europeo. Ten como obxecto primordial sensibilizar ás mulleres e ao seu contorno cara o autoemprego e a actividade empresarial e actuar como instrumento eficaz para a creación e consolidación de empresas. O programa apoia calquera fase do proxecto, tanto no inicio da idea empresarial, como na súa posta en marcha e consolidación.
Os técnicos especializados da Cámara de Santiago ofrecen información sobre oportunidades de autoemprego, lexislación, trámites e direccions de interese. Asesoran de forma personalizada sobre plans de viabilidade, xestión empresarial ou novas tecnoloxías, axudan a preparar o plan de empresa para presentalo ante os posibles financiadores, e respaldan as peticións de financiamento coas entidades coas que existen acordos previamente suscritos, entre outros servizos.
Tamén conta con asesoramento en liña desde a páxina web http://empresarias.camara.es/, onde en menos de 48 horas resólvense as dúbidas expostas polas emprendedoras. O programa facilita ademais o financiamento dos proxectos impulsados por mulleres a través de microcréditos con avais de Microbank de Caixabank.
O perfil da muller PAEM é o dunha emprendedora entre 25 e 54 anos, con estudos universitarios e en paro durante menos de 12 meses
O perfil da muller PAEM, según datos manexados pola Cámara de Comercio de España, é o dunha emprendedora (84,6%), cunha idade comprendida entre os 25 e os 54 anos (83,6%), que leva menos dun ano en paro (35,9%) e con estudos universitarios (47,3%). Por áreas de actividade, o maior número de novas empresas está adicado ao comercio ao por menor no sector téxtil, á restauración e ao coidado persoal.
Por Comunidades Autónomas, en canto a empresas creadas destacan Andalucía (350), Galicia (253) e Castela e León (251). As dúass primeiras son tamén as que xeraron máis emprego (421 e 416 postos de traballo, respectivamente).
#QuieroSerMiPropiaJefa
Coincidindo co Día Internacional da Muller, que se celebrará este xoves 8, a Cámara de España puxo en marcha a campaña “Quiero ser mi propia jefa”, para animar ás mulleres a emprender o seu propio negocio, utilizando o servizo de asesoramento on line del PAEM empresariasNet. A Cámara de Santiago uniuse a esta campaña que se desenvolve en Twitter, Facbook, Linkedin e Instagram co hashtag #QuieroSerMiPropiaJefa, xunto a mensaxes motivadoras e inspiradoras para fomentar a vocación empresarial entre as mulleres.
A campaña será difundida ademais por bloggers e influencers que viviron en primeira persoa o proceso de crear unha empresa para que compartan as súas experiencias e inspiren ás novas emprendedoras. Asimesmo, distribuiranse folletos divulgativos en todas as Cámaras de Comercio con información básica sobre o PAEM.
