Abre a convocatoria de InnoCámaras, programa financiado por fondos Feder da Unión Europea, a partir do vindeiro 11 de maio

A Cámara de Comercio, Industria, Servizos e Navegación de Santiago de Compostela abre a convocatoria pública de axudas para o desenvolvemento de plans de implantación de solucións innovadoras para os que destinará 209.400 euros, axudas que xorden no marco do programa InnoCámaras, financiado polo Fondo Europeo de Desarrollo Regional (FEDER) da Unión Europea.

O obxecto das axudas é poder desenvolver plans de implantación de solucións innovadoras, que inclúen unha fase gratuíta de asesoramento e diagnóstico e outra fase de implementación, prefinanciada na súa totalidade pola empresa beneficiaria e cofinanciado ao 80% por FEDER, sendo a cuantía máxima financiable por empresa de 7.000 euros. E o 20% adicional estará financiado pola Cámara de Comercio de Santiago e as propias empresas beneficiarias, pemes e autónomos da demarcación.

O texto completo da convocatoria está a disposición das empresas na web: www.camaracompostela.com; e na sede electrónica da Cámara de Santiago: https://sede.camara.es/sede/santiago-compostela, onde se poderá consultar e descargar a documentación, a solicitude de participación e realizar a tramitación electrónica mediante firma dixital. As empresas poderán presentar a súa solicitude a partir do día 11 de maio e ata o 31 de outubro de 2017, ou ata esgotar o orzamento da convocatoria.