Diversas autoridades inauguraron hoxe o congreso que se celebra no auditorio de ABANCA (praza de Cervantes), organizado polos profesores da Facultade de Filoloxía da Universidade de Santiago de Compostela Mercè López e Benedict Buono sobre literatura e gastronomía en Italia e a Península Ibérica. Na sesión de apertura estiveron o secretario xeral de Cultura, Anxo Lorenzo; o vicerreitor de Oferta Docente da USC, Roberto López; a concelleira de Cultura, Branca Novoneyra; a decana da Facultade de Filoloxía USC, María José López; o cónsul honorario de Italia en Galicia, Francesco Milani; e o coordinador do congreso, Benedict Buono. Nas súas respectivas intervencións coincidiron en que a gastronomía transcende a propia experiencia de elaboración e degustación con experiencias e repercusión na cultura. Os hábitos alimentarios condicionaron a evolución da sociedade, e mesmo que a gastronomía é tema e lugar para calquera expresión creativa e todo o que ten que ver coas relacións humanas, foron outras ideas destacadas.

Na sesión da tarde deu unha conferencia o escritor, xornalista gastronómico e cociñeiro especializado en cociña menorquina Bep Al-Lès Salvá, que falou da cociña balear no marco da cultura mediterránea. Al-Lès asegura que hai máis semellanzas que contrastes entre as cociñas balear e galega, a principal, a calidade e a excelencia do produto. “Puedo asegurar –engade– que donde más semejanzas hay con Galicia es en Menorca. Por una parte sus quesos artesanos elaborados con leche de vaca cruda; la ternera roja de Menorca es muy similar a la rubia gallega. Menorca es la única balear que cultiva marisco, desde la bateas de mejillones del puerto de Mahón a sus mariscadores de almejas, conchas grabadas (venus verrucosa) y las ortigas de mar. También interesa destacar el uso del pimentón en ambas cocinas, y que es una cocina marinera, austera, pero sorprendente”.

En referencia á influencia exercida historicamente pola cociña balear, sinala estes produtos como “embajadores de lujo”: a sobrasada e a ensaimada de Mallorca, a salsa mahonesa de Menorca e a xenebra Xoriguer, a máis antiga de España. “Se dice que durante la dominación inglesa de la isla, los británicos se llevaron diferentes platos y costumbres gastronómicas menorquinas, entre ellas el ‘bullit’, el cocido, que según nos relata el historiador Armstrong es bien conocido y apreciado en las mejores mesas londinenses. Pero sin duda, la mayor aportación de las Baleares a la gastronomía mundial ha sido la salsa mahonesa”, segundo explica Al-Lès. E aínda agrega que a emulsión foi a “primera alquimia” da cociña: “De un producto en estado líquido se crea uno en estado sólido. De ahí mi admiración  y mi devoción por la salsa mahonesa, la salsa de la isla de Menorca; la misma que desgraciadamente muchos llaman mayonesa”.

Para o xornalista gastronómico a cociñá é evolución, é “innovar día a día”, e pon o exemplo da chegada dos produtos do Novo Mundo e doutras culturas. Tamén aduce que el é dos que goza coa cociña tradicional, feita paseniñamente e degustada en boa compañía. “Pero he de reconocer que la cocina de autor es el presente y el futuro, siempre que apueste por el producto local y, seguramente, su evolución apostará por una comida sana”, segundo subliña.

A primeira xornada do congreso, que reúne a un cento de profesores e estudantes, tamén celebrou unha “saborosa” degustación de queixos e cata de viños galegos, e finalizou cun cóctel de produtos galegos do mar.

XOVES, exhibición de cociña na Praza de Abastos

A segunda xornada desenvolverase mañá xoves con novas comunicacións e ralatorios, e finalizará cunha conferencia plenaria a cargo Andreu Bosch, profesor da Universidade de Barcelona, que falará da riqueza dos nomes das variedades da uva e da froita no catalán de Alguer entre os s. XVII e XIX. Posteriormente celebrarase unha exhibición de cociña (show cooking) na aula de formación da Praza de Abastos ás 20:30 horas, organizada polo Centro Superior de Hostelería de Galicia, baixo o título de “Paralelismo entre literatura e gastronomía: A propósito de Álvaro Cunqueiro”.

As entidades colaboradoras principais son ABANCA Obra Social, a Xunta de Galicia, o Centro Superior de Hostelería de Galicia, Galicia Calidade e o Institut Ramon Llull (organismo público catalán para a promoción exterior da lingua e cultura catalanas).