A entrada desta actuación é gratuíta ata completar aforo

A Escola de Altos Estudos Musicais (EAEM) ten en marcha a iniciativa “A Escola na Cidade”, un ciclo de concertos de música de cámara interpretados polos alumnos do Curso Avanzado de Especialización Orquestral do centro. As entradas destas actuacións son gratuítas ata completar aforo.

No marco deste programa, este luns, 6 de xuño, ás 20:30 horas, os rapaces ofrecerán un concerto no Paraninfo da Universidade de Santiago, na facultade de Xeografía e Historia, acompañados pola pianista Simona Velikova. En primeiro lugar actuará o percusionista Francisco José Sánchez, que interpretará as obras Merlin de Andrew Thomas e Rebonds de Iannis Xenakis.

A continuación o violoncellista Miguel Blanco tocará a Sonata nº 3 de Paul Hindemith e a Sonata nº 5 de Beethoven. E a cita musical concluirá coa intervención do violista Sergio Montero, que achegará ao público a Sonata para viola e piano de Brahms.