A entrada desta actuación é gratuíta ata completar aforo

A Escola de Altos Estudos Musicais (EAEM) ten en marcha a iniciativa “A Escola na Cidade”, un ciclo de concertos de música de cámara interpretados polos alumnos do Curso Avanzado de Especialización Orquestral do centro. As entradas destas actuacións son gratuítas ata completar aforo.

No marco deste programa, mañá mércores, 25 de maio, ás 20:30 horas, os rapaces ofrecerán un concerto no Paraninfo da Universidade de Santiago, na facultade de Xeografía e Historia, acompañados pola pianista Simona Velikova. En primeiro lugar actuará o fagotista Javier Sánchez, que interpretará o Concerto para fagot en Fa maior de Carl Maria von Weber.

A continuación a violinista Carla Fontán tocará o Concerto para violín nº 4 de Mozart e o Concerto para violín en Re maior de Beethoven. E a cita muxical concluirá coa intervención da contrabaixista Raquel Miguélez, que achegará ao público o Concerto para contrabaixo nº 2 de Bottesini, a Sonata para arpeggione de Schubert e a obra Kol Nidrei de Bruch.