Analizaron a posibilidade de avanzar na cooperación entre ambas institucións e desenvolver conxuntamente talleres de formación sobre comercio exterior

O encontro celebrouse hoxe na sede cameral compostelá

O presidente da Cámara de Comercio, Industria, Servizos e Navegación de Santiago de Compostela, Jesús Asorey Carril, e o secretario xeral da entidade, Fernando Barros, mantiveron hoxe un encontro institucional co director Territorial de Comercio do ICEX Galicia, Sergio Prieto López, e o director Provincial de Comercio da Coruña do ICEX, Pedro Freire, na sede da entidade compostelá.

Co fin de avanzar nas relacións entre ambas institucións, os responsables dos organismos acordaron a posibilidade de realizar conxuntamente talleres formativos en materia de comercio exterior.