A Cámara de Comercio de Santiago organiza un taller para impulsar a venda online entre os comerciantes de Riveira

Celebrarase o 24 de novembro na Asociación de Empresarios de Riveira, a partir das 16:00 horas

Forma parte das actividades previstas dentro do Plan do Comercio Minorista

A Cámara de Comercio, Industria, Servizos e Navegación de Santiago de Compostela organiza o vindeiro martes, 8 de novembro, un taller de ecommerce e redes sociais para o comercio minorista, titulado “Como impulsar a miña tenda online e posicionarme en redes sociais”. O obradoiro, gratuíto previa inscrición, celebrarase na Asociación de Empresarios de Riveira (rúa Rosalía de Castro, 13, entrechán Banco Pastor) entre as 16:00 e as 20:00 horas.O taller, dirixido preferentemente a autónomos, microempresas, pemes, empregados e emprendedores do sector comercial minorista, estará impartido polo consultor e formador en marketing online e offline, comunicación, liderazgo e xestión de equipos, Javier Rocamora. O obxecto do obradoiro é dar unha visión de conxunto das posibilidades e resultados que se poden obter coa venda online, así como das alternativas tecnolóxicas e as ferramentas necesarias.

Esta actividade forma parte do Plan do Comercio Minorista, posto en marcha polas Cámaras de España e a Secretaría de Estado de Comercio do Ministerio de Economía e con cofinanciamento do Fondo Europeo de Desarrollo Regional (FEDER).

O Plan de Comercio Minorista contempla unhas axudas destinadas a mellorar a competitividade dos comercios da demarcación cameral de Santiago a través de diagnósticos individualizados e informes de recomendacións de mellora para que os locais comerciais poidan asumir as metodoloxías e solucións e incrementar a súa situación competitiva. O prazo de presentación de solicitudes estará aberto ata o 23 de novembro. Estas solicitudes poderán presentarse de forma presencial na sede da Cámara de Santiago (rúa San Pedro de Mezonzo, 44, baixo) ou enviando a documentación por correo postal certificado e con acuse de recibo.

Máis información e inscripcións:

http://www.camaracompostela.com/index.asp?ind=1C0A0A0&p=210

OLYMPUS DIGITAL CAMERA